ثـلاث سنيـن مـا جانـي سلامـه
نـوى هجـري وقفـى بالسـلامـه
خفيـت الحـب ليـن انــه تجـلـى
مـع العالـم يسـبـب لــي مـلامـه
بهـجـره اشـعـل النـيـران فيـنـي
وصوبنـي ولا أخـطـت سهـامـه
الا يالله قـربـنــي مــــن الــلــي
بعـد مـا غـاب عذبـنـي غـرامـه
غيـابـه زادنــي طـعـن ٍ وخـلــى
دموعي مثل وبـل ٍ مـن غمامـه
وقلبـي تــل قلـبـي تــل طـايـش
تعلـم فالهـوى معـنـى الغشـامـه
ولا ذقــت السـعـادة بـعـد حـبــه
نزع قلبـي وشالـه مـن عظامـه
وانا ما بـي عـذاب ٍ كـود طيفـه
لـيـا مــن زارنــي زاد اهتمـامـه
وانـا لـو بوصفـه مالـه شبـيـه ٍ
قمـر خمسـة عشـر ليلـة تمامـه
وأظن ان القمر من وصف خلي
يـغـار ويختـفـي بـاقـي عـوامـه
تصحيـه النسايـم قبـل يصـحـى
كـأن الصبـح مشتـاق إل لثامـه
وكـل الليـل محـتـاج إل جبيـنـه
لجل يضوي على العالم ظلامـه
حسيبـه خالقـي يـوم ٍ هجـرنـي
وقـفـى وابتـعـد مــدري عـلامـه
مراسيلـي إلـى بابـه تـجـي لــه
ولا جـانـي بـعـد قـفــى كـلامــه
حسبت إن الهجر ماهـو مطـول
ثـلاث أعـوام جرعنـي خصامـه
وانا لو كنـت داري فـي عذابـي
تركـت الحـب واعطيتـه زمامـه
ولـكـن الـهـوى غـصـب عليـنـا
وقلـبـي عـذبـه حـيــل ٍ هـيـامـه
وانـا قلـبـي مـثـل طـيـر ٍ تعـلـق
بشـرك ٍ واشتبـك وأقبـل عدامـه
وأخـذ يصفـق بجنحانـه لحـالـه
ولا أحد ٍ مر يشفـي لـه سقامـه
وانا ما ابيه يدري وش جرالـي
لجل مـا يرجـع ويكمـل حطامـه
إذا خـلــي لـقــى خـــل ٍ بـدالــي
فأنا ما شفـت لـي بعـده حمامـه
وإذا خـلـي قـريـر الـلـيـل كـلــه
فأنـا ليلـي بعـد قفـى مـا انـامـه
وإذا خـلـي تهـنـى فــي شـرابـه
ولبسه واهتنى بأشهـى طعامـه
فـأنــا مـــا بـاقــي ٍ إلا ثـيـابــي
تغطي جسم ناحـل مـن صيامـه
وإذا صـار الهـوى عنـده تسلـي
سحابة صيف عدت في سلامـه
فأنا كـل الهـوى عنـدي عـذاب ٍ
مابين اثنين يا محلـى انقسامـه
عـلـيـه الله يـــا خـــل ٍ جـفـانـي
ولا رجـــع بـدنـيـاي ابـتـسـامـه
جفتني بسمتـي وأحلـى الليالـي
بعد ما صـار هجـره لـي علامـه
وإذا بـعـد الـــذي قـلـتـه تـغـلـى
وبـأيـام الجـفـى شــدد حـزامــه
فأنـا مالـي سـوى ذكـره ببـالـي
وأببـقـى انتـظـر مـنّـه سـلامــه